MEDIA RELEASE
PANUITANGA PAPAAHO

Tiaki pumautia ta tatou taiao e ora ai te kainga

E puta tika tonu atu ai: a Te Turei te 19 o Hune 2007

E tino manawapa ana a Sandy Hohepa kia tiaki pumautia ta tatou taiao.

Na tana mahi ki te Kaunihera a-rohe nei a Environment Bay of Plenty, e taea ai e tenei whaea no Kawerau ake, ki te whakapaipai i tera puke kua rahuitia ra hei whakamaumahara ki te Maori tuatahi kia eke atu ki te Kaunihera a Kawerau.

Na te putea awhina a te Kaunihera a-rohe nei te awhina tuatahi atu e timataria ai Te Whenua Rahui a Monika Lanham, ara, e taea ai te ngaki atu i nga tarutaru kino kei reira ka whakatotia atu he rakau tuturu, e hoki mai ano ai nga manu tuturu. Inainei kua tino whaia taua waahi tino ataahua ra e te tangata.

He mokopuna a Sandy na Ngati Pikiao, ko ia nei te Kaiwhakahaere a te putea awhina nei, e kiia nei ko te Environmental Enhancement Fund, anei tana whakahau “Ko au tonu kei te akiaki atu ki oku tamariki ki te whakato rakau tuturu, ‘ahakoa ra te iti he pounamu ra,’ ara hoki te hua ko te waahi tino ataahua hei taonga ma nga tangata katoa ki Kawerau.

Na reira hoki kua mahi ngatahi katoa nga tangata ki Kawerau, ko nga kura, ko nga tira toro, ko nga tira kohungahunga, otira, ko te iwi whanui tonu.

E mihi maioha ana hoki ki te Kaunihera o Kawerau mo a ratou tautoko tino nui ki te kaupapa nei, e kore hoki e oti pai ka kore ratou e aronui atu.

Heoi ano, ko te moni whakaputa ia tau a te putea nei, e eke ana ki te $450,000 ki te rohe whanui, e taea ai te ki koia nei te putea nui rawa atu ki Aotearoa whanui tonu.

E eke atu ana ki te rua rau, nga whakahaere kua awhinatia atu e te putea nei mai i timatanga ki nga whitu tau ki mua. He reporepo era, he karaehe whakaakoako era, he hapai taonga tukuiho era. E nganatia ana hoki e nga Maori, toko 53 pea nga tira Maori kua awhinatia e tenei putea.

Kei tenei marama ka tu nga wananga whakamarama ki te putea nei, e mohio mai ai te iwi ki era ahuatanga. Ko Sandy raua ko tona hoa awhina ko Kathryn Howard kei te whakahaere i era huihuinga.

Ka tuwhera nga tono mai ki te putea EEF nei a te 25 o Hune 2007.

Ki ta Sandy, kia kaha koutou te iwi, nga tira kei kona, nga Kaunihera hoki, ki te tono kia awhinatia mai a koutou mahi e hapai ana i te taiao.

Ka kati nga tono a te 6 o Akuhata 2007.

Pena he patai a koutou, waeatia mai ki a Sandy ki tenei nama waea 0800 ENV BOP (368 267), whirinaki atu ranei ki tenei teihana rorohiko www.envbop.govt.nz.

ends

© Scoop Media