He kaupapa hei whakanui i te Wiki o te Reo Māori

Ka whakaterehia e Buy New Zealand Made te waitohu reo rua, arā te “kiwi i rō tapatoru”

I tēnei rā whakaterehia ai e Buy New Zealand Made Campaign Limited tētahi wāhanga hou o te waitohu rongonui arā, te “kiwi i rō tapatoru” – me tana karere i te reo Māori me te reo Ingarihi.

I whakawhanaketia te waitohu hou i te taha o Te Taura Whiri i te Reo Māori e whakaatu ana i ngā kupu “hokona Aotearoa ake” – buy New Zealand definitely – i te taha o te kōrero “Buy New Zealand. For New Zealand”.

I whakaterehia te waitohu hou e Buy New Zealand Made Campaign Ltd i tēnei rā i te tari o te Taura Whiri i te Reo Māori i Te Whanganui ā-Tara.

Hei tā te kaiwhakahaere o Buy New Zealand Made, Sam Seath: “ka koa te ngākau e whakatere ana mātau i tā mātau waitohu reo rua hou, me ōna tae whero me te pango, i te Wiki o te Reo Māori – te wā e ākina ana ngā Kiwi ki te kōrero Māori.

“Ka whakawhānui te waitohu hou i te huinga o ngā waitohu e tuku ana mātau ki ā mātau mema tae atu ki ngā waitohu kiwi whero me te mā, whero me te kahurangi, kowhai me te pango.

“Ko te mea mīharo rawa atu, i puta te karanga mō te waitohu Māori i te ao pākihi anō. Kei te tūmanako mātau ka whakamahia e ngā kaipākihi Māori me ngā kaipākihi auraki te waitohu reo rua hou. Pēnei i a tātau e tū whakahīhī nei ki te waiata i tā tātau waiata ā-motu i te reo Ingarihi me te reo Māori. Kua tae te wā e whakaata ai a Buy New Zealand Made i te ahurei o tō tātau whenua.”

Hei tā Erima Henare te Hēmana o te Taura Whiri i te Reo Māori: “I rekareka mātau ki te mahi i te taha o Pākihi Aotearoa (Business New Zealand) me Buy New Zealand Made ki te whakawhanake i te waitohu reo rua hou.”

“Ko tā rātau kaupapa – he tautoko ake i a Aotearoa me ā tātau whakataunga whakapau moni – kei te kaha tautoko mātau i tērā.”

Ends

© Scoop Media