Karere Pāpāho

2 Poutūterangi 2016

HEI TUKUHANGA I NĀIA TONU NEI

Ka kōkiri te Poari i tētahi ara hou hei mahi mā te Māori

E takahi ana te ohu Independent Māori Statutory Board i tētahi ara mahi hou ki ngā raraunga Māori mā roto mai i tāna rautaki raraunga. He whai tikanga te aronga o te rautaki ki te kohikohi raraunga me ngā ara rangahau. Mā roto mai i te mahi tahi ki ngā hoa matua pēnei i Tatauranga Aotearoa me te rōpū rangahau o Te Kaunihera o Tāmaki Makaurau, ka whai wāhi te Poari ki ētahi raraunga kounga e hāngai ana ki ngā hua Māori ki Tāmaki Makaurau, hei tātaritanga, hei tuaritanga anō hoki. I te mutunga iho, mā konei e torohia ai he pārongo e hāngai ana, otirā, he kounga, ā, kāore i nui rawa ngā utu, hei tohutohu i te whakaraupapatanga o ngā mahi me ngā kaupapa here e whai pānga ana.

Kua whakaritea he pae mātanga hou hei ārahi i te aronga o ngā mahi kohikohi raraunga me te tuku pūrongo mā te ohu Independent Māori Statutory Board, kātahi rā ia ka waha whakaaro ki Te Kaunihera o Tāmaki Makaurau mō ngā take e whai pānga ana ki te Māori.

Tokowaru ngā mema o te pae, ā, ko tōna tumu ko te pou mana nui o te ao whakawhanake Māori, ko Ahorangi Tā Mason Durie. Ka kapi i ngā mema o te pae ētahi tini tirohanga, ā, katoa rātou he mātanga i ētahi tini wāhanga o te rāngai rangahau Māori, raraunga Māori anō hoki.

Ka aronui te pae ki ētahi rautaki hei kohikohi, hei tātari, hei whai māramatanga hoki ki ētahi raraunga kounga e tohutohu ana i te aro turukitanga me te inenga o ngā hua Māori ā-ahurea, ā-pāpori, ā-ōhanga, ā-taiao anō. Mā konei e whai tirohanga ai kia mārama ai, kia tōmua anō ai te aronga ki ngā take whai mana ki te Māori i Tāmaki Makaurau.

Nō te rangi nei ki Tāmaki Makaurau tū ai te huihuinga tuatahi rawa o te pae. Ko tā te tumu, ko tā Ahorangi Tā Mason Durie, "ka tuku tohutohu te pae mō te ara papai hei kapo i te reo o te Māori i Tāmaki Makaurau, mā konei e hua ai he raraunga e hāngai mārika ana hei āwhina i tā te Poari whakaraupapa, tuku tohutohu, waha kōrero anō hoki.”

I te tau 2012 ka oti i te Poari Te Mahere Māori mō Tāmaki Makaurau., he mahere aronga tawhiti, ko tōna tūāpapa ko ngā kaupapa mahi, ā, he mea hua mai i ngā wawata o te Māori i Tāmaki Makaurau. Ko tā te mahere nei he whakatakoto anga hei aro turuki i ngā hua, hei ine hoki i ngā panonitanga ki te ora o te Māori ā-pāpori, ā-ahurea, ā-ōhanga, ā-taiao anō hoki.

Ko tētahi o ngā hua o te rautaki raraunga ko te whakaritenga o 'Te Pūrongo Māori'. Ko tā te pūrongo nei he ine i ngā kokenga ki tā te Poari Mahere Māori mō Tāmaki Makaurau, ko tana whai, kia ora ake ai te Māori i Tāmaki Makaurau. Mā te pūrongo Māori hoki e tuku raraunga, pārongo hoki mō te kokenga o te Mahere Māori mā te tuku pūrongo mō ngā upoko kōrero i roto tonu i te Mahere.

Kō tā te Heamana o te ohu Independent Māori Statutory Board, ko tā David Taipari, "ka aro te Poari ki ngā kōrero whakahoki a te pae kia waha kōrero ai mō ngā take e whai pānga ana ki te Māori".

Ka mutu i konei.

Media Release

2nd March 2016

FOR IMMEDIATE RELEASE

Board spearheads new way of working for Māori

A new way of working with Māori data has been employed by the Independent Māori Statutory Board through their data strategy. The strategy takes a practical approach to data collection and research opportunities. Through collaboration with key partners such as Statistics New Zealand and Auckland Council’s research unit, the Board will access quality data relevant to Māori outcomes in Tāmaki Makaurau for analysis and sharing. Ultimately this will provide high quality, cost-effective and relevant information to inform priorities and policy.

A new expert panel has been formed to guide the direction of the data collection and reporting for the Independent Māori Statutory Board who in turn advocates to the Auckland Council group on issues that affect Māori.

The eight member panel will be headed by respected Māori development champion Professor Sir Mason Durie. The members reflect a variety of viewpoints and are all expert in a number of areas within the wider Māori research and data community.

The panel will focus on strategies to collect, analyse and interpret high quality data that informs the monitoring and measuring of Māori cultural, social, economic and environmental outcomes. . This will allow for insights to understand and front-foot issues which are important to Māori in Tāmaki Makaurau.

The first meeting of the panel is being held today in Tāmaki Makaurau. Principal member, Professor Sir Mason Durie says “the panel will advise on the best way of capturing the voice of Māori in Tāmaki Makaurau allowing the formulation of fit-for-purpose data to assist in the prioritising, advice and advocacy of the Board.”

In 2012 the Board produced the Māori Plan for Tāmaki Makaurau., a long term, action-based plan derived from the aspirations of Auckland Māori. The plan provides a framework for monitoring outcomes and measuring changes to Māori wellbeing in the social, cultural, economic and environmental areas.

One of the outcomes of the data strategy will be the production of ‘The Māori Report’. The report will measure progress on the Board’s Māori Plan for Tāmaki Makaurau aimed at increasing Māori Wellbeing in Auckland. The Māori report will also provide data and information on progress of the Māori Plan by reporting on headline indicators within the Plan.

Independent Māori Statutory Board Chairman, David Taipari says, “the Board will utilise the panels feedback to advocate for matters that affect Māori”.

ENDS

© Scoop Media